Firmin Lambot

Firmin Lambot
Vida
Nacimientu	Florennes, 14 de marzu de 1886[1]
Nacionalidá	Bélxica
Muerte	Borgerhout (es) , 19 de xineru de 1964[2] (77 años)
Oficiu
Oficiu	ciclista
Trayeutoria Años Equipu Competiciones 1919-1921 La Sportive 1914-1914 Peugeot
Participante Tour de Francia

Firmin Lambot (14 de marzu de 1886, Florennes – 19 de xineru de 1964, Borgerhout ^(es) ) foi un ciclista profesional belga activu a principios del sieglu XX, que consiguió ganar el Tour de Francia en dos causes (1919 y 1922).

La so carrera profesional empezó en 1908, añu en que ganó los campeonatos de Flandes y de Bélxica. Corrió'l Tour de Francia ente 1911 y 1913. La Primer Guerra Mundial torgó que la carrera pudiera celebrase ente 1914 y 1918. En 1919 volvió celebrase en condiciones llamentables (carreteres estrozaes, pésima organización y corredores en mala traza físicu de resultes de la guerra). Tan solo once ciclistes pudieron acabar la carrera. Lambot foi segundu mientres gran parte de la mesma, pero aportó a la primer posición cuando'l líder Eugène Christophe tuvo que retirase por causa d'una avería na so bicicleta.

El de 1919 foi tamién el Tour en que Henri Desgrange creó l'agora famosu maillot mariellu qu'identifica al líder de la carrera. Eugène Christophe foi'l primeru que se lo enfundó, anque foi Lambot el primeru en xubir al podiu final vistíu con él.

En participando nos Tours de 1920 y 1921, en 1922 volvió ganar la carrera, otra vegada gracies a una avería na bicicleta d'un rival. Cuntaba entós con 36 años d'edá, siendo entá'l ciclista de mayor edá que consiguió ganar el Tour de Francia.

1. ↑ Afirmao en: Encyclopædia Universalis. Identificador d'Encyclopædia Universalis: firmin-lambot. Apaez como: LAMBOT FIRMIN. Data de consulta: 9 ochobre 2017. Editorial: Encyclopædia Britannica. Llingua de la obra o nome: francés.
2. ↑ Afirmao en: Diccionario de valones. Identificador del Diccionario de valones: lambot-firmin. Apaez como: Firmin LAMBOT. Data de consulta: 9 ochobre 2017. Editorial: Comunidad francesa de Bélgica. Llingua de la obra o nome: francés.